Wie kumm i zue de Zepf?

Bisch e Haimweh Basler(e) und wettsch au z Ziri ab und zue emol Baseldytsch heere und schwätze? Denn bisch bi uns am rächten Ort! Egal eb Pfyffer/in, Dambour/in oder Vorträbler/in: Interessäntinne und Interessänte sin bi uns allewyl härzlig willkomme!!!

Ganz eifach!

Kumm doch aifach emol unverbindlig go yyneluege!

Me kah uns jede Mittwuch Zobe no de Ooschtere bis zer Fasnacht (usser Juli und August) ab em Sibeni (19:00h) an unserem Stammdisch im Restaurant "Weisser Wind" aadräffe. Am viertel vor Achti (19:45h) gohts denn jewyls los mit de Iebige fir d Pfyffer und Damboure.

Falls de gärn wyteri Infos hättisch, denn gohsch grad iber dä Link uf d'Kontaggt-Syte und schribsch e eleggtronischs Briefli an unsere Obmaa.

Mir fraie-n-is iber Di Poscht, oder wenn Du aifach emol bi uns am Stammdisch kunsch go verby luege!!!

Bydrittserklärig

Wenn de findsch, dass mr aigetlig no ganz e glatte Huffe sin, no fill doch das Formular Bydrittserklärig us.

Wyteri Infos und Erklärige zu däm ganze Prozedere griegsch bi unserem Vorstand!